ºÚÁϳԹÏÍø

Ang interferon gamma release assay (IGRA) ay isang pagsusuri ng dugo upang makita kung ang isang tao ay may impeksyon ng tuberkulosis (TB). Ang impeksyon ng TB ay nangyayari bago ang sakit na TB. â€‹

Ang impeksiyon ng TB (kilala rin bilang nakatagong TB infection o 'natutulog' na TB) ay kapag mayroon kang mga mikrobyo ng TB sa iyong katawan, ngunit hindi ka nila ginagawang maysakit. Ang immune system ng iyong katawan ay nagpapahinto sa mga mikrobyo na nagiging sanhi ng anumang pinsala. Walang mga sintomas ang impeksyon ng TB at ang mga mikrobyo ay hindi maaaring maipasa sa ibang tao.

Ang impeksiyon ng TB ay naiiba sa sakit na TB na kung saan ay nagising o dumami ang mikrobyo ng TB at nagkasakit ka mula dito at naipapasa ang mga mikrobyo sa ibang tao. 

Kung ang IGRA blood test ay nagpapakita na mayroon kang impeksyon sa TB, ang iyong doktor ay maaaring magreseta ng gamot upang matigil ang sakit
na TB.

Ang karagdagang impormasyon tungkol sa impeksyon ng TB ay matatagpuan dito: TB infection

Paano po ang pagganap
ng IGRA?

Ang IGRA ay isang pagsusuri ng dugo na nangangailangan ng 4 na maliliit na tubo ng dugo. Maaari kang kumain at uminom ng normal bago ang test. Gumagana ito sa pamamagitan ng pagsukat ng immune response ng katawan sa mga mikrobyo na nagdudulot ng TB.

Bago ka kumuha ng isang IGRA test

Ipaalam sa nars o doktor kung ikaw ay:

• nagkaroon ng anumang sakit na nagpahina sa iyong immune system tulad ng HIV, kanser, o sakit sa bato
• uminom ng gamot na nakakaapekto sa iyong immune system tulad ng mga steroid (hal. prednisone), o chemotherapy (mga gamot sa kanser)
• nagkaroon ng lagnat (>38° C) o impeksyon sa nakalipas na buwan, tulad ng trangkaso, tigdas, o impeksyon sa dibdib 
• nagpabakuna sa nakalipas na buwan
• nagkaroon ng TB sa nakaraan o nakipag-ugnayan sa isang taong may TB.
  

Pagkatapos mong magkaroon ng IGRA test

Kung positibo ang resulta ng iyong IGRA, maaaring nakipag-ugnay ka sa mga mikrobyo ng TB sa nakaraan. Ang negatibong resulta ng IGRA ay nangangahulugang malamang na hindi ka naman nakipag-ugnay sa mga mikrobyo ng TB.

Ipapaliwanag ng iyong nars o doktor ang resulta at kung kailangan mo ng anumang karagdagang mga test o gamutan.

Karagdagang impormasyon

Para sa karagdagang impormasyon bisitahin ang Tuberculosis (TB) fact sheets​. 

Para sa libreng tulong sa iyong wika, tumawag sa Translating and Interpreting Service sa 13 14 50.